على شو بعدك بتحبه؟

 

“عرعور” يقف مع الثورة السورية
المنحبكجية: يسقط العراعير

أصالة تقف مع الثورة السورية
المنحبكجية: يسقط الأصاليل

علي فرزات يدعم الثورة
المنحبكجية: يسقط الفرازيت

كندة علوش تقف مع الثورة
يسقط العلاليش

فارس الحلو…
يسقط الحلوين

المنحبكجية: يسقط الغليونيون و الرفاعيع “الشيخ الرفاعي” و النابلسيون…و شو كمان؟
كل ماواحد وقف مع الثورة بدكن تختصروا كل الثوار فيه؟
و تصبغوها بلونو؟

مين الكن انو نحنا كلنا تفكير واحد و منطق واحد امشان هيك رفضنا بشار؟

مين قلكن مافينا علمانيين “اذا مو كل العلمانيين معنا” و مافينا متشددين و لادينين و مافي حرمية و مافي سرسرية و مافي متعلمين و مافي نضاف و مافي فاسدين و مافي من كل الطوائف و الأعراق السورية ؟
مين قلكن انو نحنا حابين نتخلف ؟ مين قال انو الكل عندن نفس التوجه ؟

مين قال انو نحنا حابين نرجع لزمن الخلافة و ما رح ندافع عن حق الأقليات أكتر و أكتر بهويتهن السورية ؟

ليش هيك عم تحسبوها ؟
يمكن بتقيسوها عحالكن
يمكن هي مشكلتنا معكن
انتو حابين تختصروا سوريا كلها و حياتنا بشخص
لازم لأنكن انتو بشاريين نكون نحنا مدري مين

امفكرين نحنا مو قدرانين نفرق بين عرعور و غليون ؟

انو يعني نحنا لازم نطلع حدا بدال بشار و نعبدو و نبوس شوئسمو؟
متى ما الواحد عارض بشار معد نحاسبو خلص و نشوف اذا كان حرامي متل خدام او نضيف متل كيلو ؟

يعني خلص طمستو هويتنا و اعتبرتونا قطيع عم ندور عراعي ؟ عم نلحق واحد شخص واحد لانو واقف ضد بشار ؟ ماعم تصدقو انو هالشعب ممكن يتطور و يفهم بالتعددية و الديمقراطية ؟

لازم يكون في مؤامرة و محرض لنحلم برئيس جديد؟ وحياة جديدة ؟

لازم نرضخ لبشار الأسد لأنو عندو مئات الآلاف من عناصر الأمن و المخابرات؟ و هيك يعني منصير أكابر؟ منصير متل الغالبية يعني فهمانين؟ هيك الامان بنظركن بيفضل هالمئات الألوف من عناصر الامن الاكابر؟ و البقايا عراعير مابيفهموا و لازم نربيهن و مابيعرفوا يرجعوا الامان لهل بلد؟

معقول مو قدرانين تشوفوا حالكن بمرايا ؟ انتو عم تأيدوا عناصر أمن أعرعر من العراعير
يعني مثلا ً هاد عنصر الامن متربي أو شامم ريحتا؟ أو عندو مبدأ او مؤمن بشي او مثقف او واعي لنوثق فيه و نأمنو عحياتنا؟

ليكون صاروا قاتلين فوق ال 2000 زلمة لأنن عارضو رأين
و مو فارق معن لامقدسات دينية و لا تراث حضاري و لا حتى أرواح بني آدمين
“هدول لسا أضرب من طالبان لما حطموا تماثيل بوذا”

في أسوأ من هيك ناس نأمنن عالبلد و أهلها؟

و عفكرة
انتو يلي طامسين شخصيتكن بإيدكن و مالكن أي قرار

تخيلو يطير بشار بسبب ما؟
شو بتصيروا ؟ شو بتعملوا ؟ بتقتلوا حالكن؟
بتصيروا منتحرجية ؟

ليش هي مو بلدكن ؟ ماعدلكن كلمة فيها متى ماراح بشار؟

لك حبوا حالكن أحسن منو
و الرئيس يلي جاية اذا ماعجبنا كلنا منغيرو
معد في للأبد و حكم واحد و حزب واحد و قناة وحدة و رأي واحد و مساخر حافظ الأسد

كلنا بوكرة منصير منحبكجية لهل بلد…للحياة…لبعضنا..للجدال..للحوار..لحقوقنا
و ياريت مانعيد غلطتنا كل مرة…بانو نترك اسم بلدنا يرتبط باسم شخص أو عيلة

 

————————
بقلم: جمال داود 

 

 

5 Responses to “على شو بعدك بتحبه؟”

  1. ملاحظة
    مو كل العلمانيين مع الثورة، في بعضهم طلع منحبكجي للعظم

  2. One of the best things I’ve read so far;D it totally describes the mentality of the mn7ebbakjyyeh nd the shabee7a nd all the stupid people they’ve been able 2 fool;D

  3. مافي انسان وطني وفي براسو شوية مخ بيأيد هالنظام المجرم !! لعما مفكرين الناس عايشين بالجاهليه !

  4. خيلة مان هيدة هوة الحكي الصح
    بس بدك مين يفهم …………..

  5. لن يستطيع أحد أن يشوه صورة الإسلام Reply 24/04/2012 at 13:15

    وأنت اللي عم تحكي::: كلامك درر وسليم مية في المية……… بس مين قلك أنو الخلافة ما بتحمي الأقليات اللي محتمين بحماها ؟؟؟
    ومين قلك أنو الخلافة في حدا بالدنيا رح يقدر يشوه صورتها ؟؟؟؟؟
    أصلا الخلافة هي الوحيدة اللي قادرة أنها تعطي كل إنسان حقه بمختلف توجهاتهم أيا كانت طول ما أنهم تحت حمايتها

    وأعتقد بأن في هذا الرابط ما يثبت حسن صورة الإسلام فأرجو أن لا يسيئ أحد للإسلام لأن الإسلام بريئ من أي افتراء
    إليكم الرابط http://www.islamweb.net/newlibrary/display_umma.php?lang=A&BabId=8&ChapterId=8&BookId=246&CatId=201&startno=0

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: