ليلي حلس او بردت همتو او انقطع لانسو

 

شو يا شباب الخارج وبعض شباب الداخل مليتو؟؟؟؟؟ خفانة مشاركاتكن !!!! معنوياتكن تعبانة شي؟؟ما عاد بدكن تعطو وقت للثورة ؟ الطلعة بالمظاهرة صايرة خطرة أكتر من أول أهمممم……..

طيب خليني قلكن كم شغلة
الشبيحة ما ملو منوب من دبح أخوانكن و أغتصاب اخواتكن وقتل أطفالن و أن حارتك هديانة هل يومين لازم تعرف انو الشعب بغيرمناطق ما مل منوب من تقديم التضحيات. مومصدق؟ شفلك شي يوتوب بتاريخ اليوم ولا مبارح على حوران ولا حمص ألخ …
يأستو لأنو طولت؟؟؟؟؟ شو مفكرين حالكن طالعين سيران أيمتن ما بدكن بترجعو عالبيت؟؟؟ ولا مفكرها هواية بتدشرا ايمتن ما بدك ولاسندويشة بتعض عضتين و ان ما عجبتك بتزتا بالزبالة؟
يلي بالخارج مستكتر وقتك وشوية مصاري عالوطن ؟غيرك ما أستكتر دمو على الأرض!
يعني أنتو يلي برا(أنا منكن) عنا خيار وقف جهدنا بالثورة بس مو أنانية مو أنتو يلي شاركتو بالتحريض عالنت ليتظاهر الناس ليكن تظاهرو شو بدكن اكتر؟؟يعني مالكن أهل بسوريا ولاماعاد ترجعواأن كان هيك وضعكن شو دخلكن من أول ليش تورطوهن للناس و تشاركو بالتحريض ضد النظام وتقطعو الحبل بالناس و هنن بنص البير؟؟؟
أما انت يلي بسوريا ما فيك ترجع عالبيت النظام لئيم و أنجرح كبريائو ومنووووب ما بينسا ثارو ووقت بترجعو يا مساكين عبيوتكن ليشحطوكن هنن و نسوانكن و أطفالكن ومو بعيد يزيد الدبح 1000مرة عن ايام الثورة شو نسيتو انو مسبة حائض فسد ولا الزرافة بتعني الأعدام قبل الثورة ؟طيب هلأ بس توقف الثورة شو برأيكن رح يصير و كلو مصور وموثق ؟؟؟؟؟
محبط يأسان خر…ان وخايف ولا مستني الناتو يجي يخدم شورابك (لأنو مفكرين الناتو منظمة خيرية) ولا متضايق من المحايدين يلي ما نزلو( ليش سمعتو عن ثورة نزل فيها كل الشعب)ولاما بعرف شوعندك حجة بتهوي .
قوم على حيلك أنصاف الثورات هي مقابر الشعوب يلا بلا مياعة ومهيصة انت وياها نشف دموعك اصح من نومك أدعم أدعم أدعم الثورة من الخارج ماديا و معنويا وتظاهر بالداخل الفشل بهل الثورة بالزات مالو خيارمنوب لأنو النتيجة رح تكون أسوأ بمليون مرة من الموت وبكرا ان انهزمتو كل أخ رح ينجبر يودي اختو بأيدو لعند الشبيح مشان يفترسها ورح تكونو أثبتو للنظام أنو البسطار العسكري نفع معكن و من يوم و رايح ما عاد تشوفو الجزرة بتمكن بس رح تحسو بالبسطار بط….ن حبيبي النظام لو بدو يحلها كان من أول يوم بشار زار أهل حوران و طيب خاطرن بكم كلمة ونقل عاطف نجيب لمحافظة تانية (على أساس عقوبة) النظام حبيبي بدو يدعسنا دعس لأنو نحنا جراثيم بنظرو..
ملاحظة هل الكلام ممكن يكون موجه لأي واحد بسوريا و لا برا بلش تبرد همتو بس أنا حابب وجهو لنفسي اول واحد مشان ما حدا يعتب ويقول انا مو هيك ولا كلامك قاسي.
نقطة أخيرة أخي حط أيدك على ضميرك قبل ما تسكر هل الموضوع وتتصفح موضوع تاني وفكر منيح شو بدك تساوي للثورة.
أخوكن دباح الشاغوري

 

 

 

5 Responses to “ليلي حلس او بردت همتو او انقطع لانسو”

  1. دورلك على غير بلد يعني على قولة المثل خيط بغير هالمسلة

  2. نمر القابون Reply 20/09/2011 at 22:31

    تربت يداك وسلم الله فاك

  3. dabahchagouri Reply 20/09/2011 at 23:00

    شكرا يا أخي نمر القابون اما المنحبكجي يلي كاتب فوق فبقلو روح شبح بعيد ولك صرصور و مسح صباط معلمك علي ممكلوك بس اوعك يزحط فيك الكرسي

Trackbacks/Pingbacks

  1. ليلي حلس او بردت همتو او انقطع لانسو 2 | كبـريـت | Kebreet - 03/10/2011

    […] ليلي حلس او بردت همتو او انقطع لانسو -الجزء الاول- […]

  2. ليلي حلس او بردت همتو او انقطع لانسو 2 | كبـريـت | Kebreet - 03/10/2011

    […] ليلي حلس او بردت همتو او انقطع لانسو -الجزء الاول- […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: