حكواتي الثورة | حلقة 2 – سوريا بدها حرية

 

 

آذار 2011

 

 

حكينا المرة الماضية عن ولاد درعا
يلي اعتقلوهن !!
وقالو لأهلن انو مالن رجعة
بقا بعمركن سمعتو بهيك سمعة !!
بلا طول سيرة اجى 15 أذار
وبلشت ثورة الأحرار
شباب وصبايا
قلوبن متل النار
بدن يحكو و لو شو ما صار
ومظاهرة بسوق الحمدية
وكلو عم يصرخ حرية
اجى الأمن
وتفرطعت المظاهرة
وكل واحد اخد رفيقو
وقصع بشي حارة
وهنيك
نفس الياسمينةيلي قالت للفل
الشعب السوري ما بينذا
صارت تقول للجورية
سوريا بدها حرية
سمعتي بدها حرية
المهم
تاني يوم أهالي المعتقلين
هدول بسوريا ها …..
مو بالصين !!!
قررو ينزلو عالوزارة تبع الداخلية
وبدن لمعتقلين الرئي الحرية
ومتل ما بتعرفو هي الوزارة بالمرجة
يعني بعز الضهر …..
وصارو المعتصمين فرجة
ومع انو الأهالي ما عطوهن المطالب
بس طق بزر مخو الوزير…..
وحس انو الشعب صار غالب
والي صرلو 40 سنة عم يحكم بالنار والحديد
بكون مجهز حالو .. وطلعو مسيرة تأييد
يعني ما بعرف شو بدي قول !!
بدون يضلو عبيد وغير جنابو ما منريد
وبما أنو القمع عندن شي أساسي
اعتقلو شي 25 واحد ومنن سهير الأتاسي
لك العما !!! شو أعمل ؟؟ أضرب عراسي
ليش هيك ساويت يا تاجو لراسي
هفففففف
شكلو هاد الوزير كمان
ما نزل عالشارع من زمان
ما سمع ….
بالياسمينة يلي قالت للجورية
انو سوريا بدها حرية
يتبع…..

 
بقلم: وئام عيسى

 

 

 

 

 


No comments yet... Be the first to leave a reply!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: