حكواتي الثورة | حلقة 5 – ياحيف

 

 

 

آذار 2011

 

 

يا حيف……….. يا حيف
زخ رصاص على الناس العزل يا حيف…
هيك كانت عم تغني الياسمينة
وبقلبها غصة…. وبعينها دمعة حزينة
يعني النظام عم يلعب بعداد عمرو
وكل يوم عم يكترو الثوار
وهوة عم يقتل من قهرو
ايه شو هالنظام الخيخا
يلي كلمة حرية كسرتلو ضهرو
ما علينا
بعد مجزرة العمري بلش الفلم عالتلفزيون دغري
ورواية العصابات المسلحة
الي ما بصدقها صحن المسبحة
يعني نظام غبي وأعلام متل الخشبة
والله لازمهن حرق متل الحطبة
شعب عم يغلي ويفور
والثورة عم تنتقل
على جناح عصفرو
والأمن ما عم يعرف من وين عم يطلعو المتظاهرين
من رحم الشمس ولا من الهوى ولا من الطين
الله ينصر الأحرار قولو معي آمين
طلعت هالناس لتضامن مع درعا
وتوعدو انو تكون غير شكل هالجمعة
ونطت عالتلفزيون مستشارة الرئيس
وقالت انو جنابو…
ما أمر لا بضرب الرصاص ولا التعفيس
أمن الشعب اجى يوم الجمعة
وطلعو كلن بفرد طلعة
يعني بالشام طلعو الغوالي
بس القمع طبعا مالو والي
وبحمص طلع الشعب وقال مافي رجوع
وبلش سلخ القنابل المسيلة للدموع
والي صار بدرعا
صار باللاذقية والصنمين
يعني كنا بمجزرة …!!
وزادو عليها تنتين
وخلال أول اسبوع من التظاهر
سقط 54 شهيد
وقالت الياسمينة بصوت عالي
نحنا أحرار مو عبيد
بعتت للجزار رسالة من جديد
قالتلو
انا أريد وأنت تريد
والشعب يفعل ما يريد
منكمل بكرى
استنوني أكيد….

 
بقلم: وئام عيسى

 

 

 

 

 

 

 

 

No comments yet... Be the first to leave a reply!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: