كلام في الصميم…

 

ياهوم مكتوب
———————-

 

حاليا الكل عم بيحكي انو خايف من الثورة .. او بالاحرى من الاتجاهات الي عم بتروح الها الثورة..
خليني قول انو انا تقريبا انا واحد منون ..و لكن .. انا خايف بس متفهم…

العالم مالون خايفين من الاسلاميين .. و صراحة الي خايف من الاسلاميين مع احترامي الو هاد اجدب ( شو بدكون كذب على حالي و ما قولها ؟ ) ليش اجدب؟.. لأنو صرلو مدري كم سنة عايش بالبلد و لهلق ما فهم شو طبيعتها و شو يعني التدين فيها …
انا صراحة خايف متل كل العالم من التسليح البراني ..و المقصود بالبراني هون ( انا قصدا نقيت كلمة براني مو خارجي لهاد السبب ) هو السلاح الي بايد المدنيين ..

و لكن انا مافي ما اتفهمو .. 11 شهر من القتل و التعذيب و الحصار و الاعتقال و الخوف من انو ينقتل حدا بتعرفو كل يوم اكيد رح يولد الحاجة انو ايا واحد يقول انا لازم جيب و لو قطعة سلاح حطا ببيتي منشان احمي عيلتي..

طبعا جماعة السلمية رح ينطو و يصفقو و يروقو على الي عم بقولو .. بس استنو شوي عليي .. الحق عليكون انتو بهاد الموضوع .. انتو اخدتو السلمية بطريقة سلبية كتير .. خليتو السلمية بمعني انو نحنا ما رح نعمل شي منشان ندافع عن حالنا . نحنا رح نكون حضاريين و نوقف متل الفيران الي عايشين بقفص فيه قطط ( مو قط واحد ) و مفكرين انو بحركتون السريعة رح يقدرو يتغلبو عالقط .. عفوا انتو فيكون اتعبون بس ما بتغلبون .. الا اذا دافعتو عن حالكون ..

امثلة الكفاح السلمي كتيرة . بس ما استخدمتو غير انو ضربني كف على خد اليمين .. فدرتلو الشمال ..و ما حسبتو حساب انو رح يضربكون شلوت بين رجليكون …

وين استخدام الملوتوف ضد المقار الامنيه؟ وين التصدي للباصات عن طريق خزق دواليبها .. وين الدواليب و الحاويات المحروقة ( هلق صرنا نستخدم هدول التنين ! )

و يا ريت ما حدا يحكيلي عن تجربة غاندي .. لأنو غاندي صراحة كان عم بيحارب ناس متحضرين … يعني في واحد عاقل بيقول للانكليز لا توقفو ضد هتلر و استسلمو الو و عطوه ارضكون و املاكون و عيشو عبيد تحت رحمتو ..او لما دري بالهولوكوست ( مهما كان موقفنا منو ) و انو مات 5 مليون يهودي ..انو هدول اليهود كان لازم يسلمو حالون كلون لهتلر و ينقتلو كلون !

عالعموم ارجع لموضوعي .. انا خايف من التسليح البراني.. فيي امنعو؟.. لأ .. انا متفهمو .. مافي عندي غير حل واحد انو حد من انتشارو … كيف ؟ اول شي جماعة السلمية يصير يدعو لكل وسائل الكفاح السلمي الي في مليون فيديو عليها باليوتيوب ( صراحة بلون او فتيشة ما رح توقف النظام انو يقتلك .. بس حرق مقر امني او توقيفة سيارة الو عن العمل بيعمل هاد الشي ) و تاني شي انو تدعمو الجيش الحر بكل قوتكون ..و هيك عالقليلة بتضمنو انو اذا في سلاح عالارض يكون السلاح بايد عالم اخرتا ترجع عالجيش النظامي …

طبعا هلق في واحد مفزلك رح ينط و يقلي شو ضمني انو هاد الشي ما رح يعمل قتلى زيادة … بقلك حبيبي انت ضامن انك تعيش لبكرة اصلن ؟ انت كنت ضامن انو الثورة تنجح بالسلمية مثلا ؟ انت كنت ضامن انو الثورة تصير اصلن بهل الشكل… مافي شي مضمون .. بس المضمون انو طالما انت عم تتفلسف و عم بتحاول توصل لنيرفانا السلمية .. العالم عم بتنقتل و عم بصير بدا تتسلح منشان اتدافع عن حالها

 

 

 

No comments yet... Be the first to leave a reply!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: